පින්වත් දුවේ පුතේ, ‘සත්පුරුෂකම’ ගැන ඔබ නොයෙක් අවස්ථාවල අසා තිබෙනවා. සත්පුරුෂකම කියන්නේ කළගුණ දන්නා බවට. පරිපූර්ණ සත්පුරුෂ භූමිය කියන්නේ කළගුණ සිහි කරනා බවට.
ශ්‍රී බුද්ධ වර්ෂ 2562 | ව්‍යවහාරික වර්ෂ 2019 එකළොස්වන කලාපය
ශ්‍රී බුද්ධ වර්ෂ 2561 | ව්‍යවහාරික වර්ෂ 2018 දහවන කලාපය
දයාබර දුවේ, පුතේ, විදුලිය සොයා ගැනීම මිනිස් ලෝකයේ සිදු වූ සුවිශේෂී විප්ලවයක්ලෙ සයි සැලකෙන්නේ. දුව පුතා මේ ගැන පාසලේ දී ඉගෙනගෙන ඇති. නව කාර්මික ප‍්‍රවණතාවයන් සියල්ලට ම පාහේ හේතු වුණේ විදුලිය සොයා ගැනීම. එ් ගැන සොයා බැලූවොත්, එදිනෙදා ජීවිතයේ පහසුව ඇති කරලන සියලූ ම උපකරණ නිර්මාණය කොට තිබෙන්නේ විදුලිය පාදක කරගෙන බවයි පෙනී යන්නේ.
දෙලොව ජය ගෙනෙන වීර්යය | ශ්‍රී බුද්ධ වර්ෂ 2560 | ව්‍යවහාරික වර්ෂ 2018 නමවන කලාපය
‘උත්සහවන්තයා ජය ගනී’ කියන කියමන ඔයාලා නිතර අහලා තියෙනවා. දෙමව්පියෝ ගුරුවරු මේ කියමන නිතර ළමයින්ට අහන්න සලස්වන්නේ කම්මැලි නොවී ඉගෙනගෙන සාර්ථක මිනිස්සු වෙනවා දකින්න යි. පාසල් කාලෙ දී උත්සහයක් ගත්තේ නැත්නම් අනාගතේ හරිහැටි සාර්ථක කර ගන්න වෙන්නේ නෑ. නියම වෙලාවට ඉස්කෝලෙට යන්න, ගුරුවරු උගන්වන දේ හොඳට අහගෙන ඉන්න, උත්සහය උනන්දුව තියෙන්න ඕන. විභාග සමත් වෙන්න නම් බඩගිනි, නිදිමත ගැනවත් නොහිතා පාඩම් කරන්න උත්සහයක් තියෙන්න ඕන. ඒ උත්සහය නැති වුණොත් ළමයෙක්ට කවදාවත් තමන්ගේ අධ්‍යාපන කඩඉම් ජයගන්න බැරි වෙනවා.රස්සාවක් කරන කෙනෙක්ට වුණත් උත්සහය නොතිබුණොත් කවදාවත් දියුණු වෙන්න බෑ. මොන බාධක කම්කටොළු ආවත් තමන් කරන රස්සාවේ ඉහළම ප‍්‍රගතිය ලබන්න උත්සහ කරන්න ඕන. හැබැයි ඒ උත්සහය කාටවත් හිංසාවක් පීඩාවක් නැති අහිංසක උත්සහයක් වෙන්න ම ඕනි.
මාපිය වන්දනා | ශ්‍රී බුද්ධ වර්ෂ 2560 | ව්‍යවහාරික වර්ෂ 2017 අටවන කලාපය
ආදරණීය දුවේ පුතේ, උපදින්න බොහෝ තැන් තිබිය දී ම යි අපට පින තිබුණේ මනුස්ස ලෝකයට එන්න. පෙර ජීවිතයේ හිටපු කවර හෝ තැනක දී අපේ මරණය සිදු වුණා. එ් මැරුණු මොහොතෙ ම අපි අපේ අම්මාගේ කුසේ පිළිසිඳ ගත්තා. මේ මනුස්ස ලෝකයේ උපදින්න එ් ආකාරයෙන් පිළිසිඳ ගැනීම සිදු වෙනවාත් එක්ක ම මේ ජීවිතයේ අපට අම්මාත්, තාත්තාත් හිමි වුණා. ලෝකයේ වෙන කිසි ම කෙනෙකුට එ් ඥතීත්වයට උරුමකම් කියන්නට බැහැ. එ් තැනට ආ හැකි දෙවැන්නෙක් ලෝකයේ කොහේවත් නෑ. අපට මිනිස් ලෝකයේ උපත තහවුරු කරපු එ් අම්මටයි, තාත්තටයි සම වන කෙනෙක් මේ ජීවිතයේ මුණගැහෙන්නේ නැහැ. දරු සම්පතක් තමන්ටත් හිමි බව දැනගත්ත දවසේ පටන් අප මෙලොව එළිය දකිනකල් අම්මගෙත්, තාත්තගෙත් හිතේ මොන තරම් බලාපොරොත්තු ගොඩනැගෙන්නට ඇති ද? තමන්ට දරුවෙක් ලැබෙන්න සිටිනවා කියලා විතරයි ඔවුන් මුලින් දැන ගන්නේ.
නිදහස සොයා පියනඟමු | ශ්‍රී බුද්ධ වර්ෂ 2560 | ව්‍යවහාරික වර්ෂ 2017 හත්වන කලාපය
දයාබර දුවේ, පුතේ, අපේ ජීවිතවල ගෙවුණ හැම අවුරුද්දක ම වගේ මේ අවුරුද්දෙත් නිදහස් දිනයක් සමරන්නට ලැබුණා. ශ්‍රී ලංකාවේ හැට නවවැනි නිදහස් දිනය වෙනුවෙන් මේ අවුරුද්දෙත් දුවලා පුතාලට නිවාඩුවක් ලැබුණා. පාසලේ පන්තියේ වැඩකටයුතුවලින් ටිකක් නිදහස් වෙලා නිදහසේ හිටපු දවසක් බවට එ් දවස පත්වුණා වන්නත් ඇති. නිදහස් උත්සවවලට සහභාගී වන්න හෝ එ් නිමිති කරගෙන පැවැත්වුණු පුණ්‍ය කටයුතුවලට සහභාගී වන්න දුවට පුතාට ඉඩ ලැබෙන්නත් ඇති. කොහොම හරි, මේ පාරත් ජාතික නිදහස් දිනය අපි කාට කාටත් විශේෂ දිනයක් බවට පත් වුණා. දුවේ, පුතේ… ශ්‍රී ලාංකිකයන්ට මේ නිදහස් දිනය සමරන එක තව කොච්චර කාලයක් ඉදිරියට සිදු කරන්න පුළුවන් වේවි කියල ද ඔයාලට හිතෙන්නේ? ‘ලෝක විනාශය වෙනකල්…’ කියලා ඔයාලට හිතෙන්න ඇති… තව තව උත්තරත් හිතට එන්න ඇති. දුවේ, පුතේ, ඇත්තටම නම් මේ නිදහස අපට අයිති අප යළි යටත්විජිතයක් නො වී සිටින තාක් කල් පමණයි.
හොඳම යහළුවන් වෙමු | ශ්‍රී බුද්ධ වර්ෂ 2560 | ව්‍යවහාරික වර්ෂ 2016 හයවන කලාපය
ආදරණීය දුවේ, පුතේ, අම්මා, තාත්තා, සහෝදර සහෝදරියෝ වගේ ම අපි කාගෙ කාගෙත් ජීවිතවලට බොහොම සමීප වන පිරිසක් තමයි යාළුවෝ කියන්නේ. ඔයාලටත් යාළුවෝ ඉන්නවා නේ ද? පුංචි පංතිවල ඉඳන්ම අපට ඇසුරට යාළුවෝ ලැබෙනවා. අම්මා, තාත්තා, සහෝදර සහෝදරියෝ කියන නෑදෑකම් අපට මේ ජීවිතය පුරා ම වෙනස් නො වුණට ජීවිතයේ ඇසුරට එකතු වන යාළුවෝ නම් කලින් කලට වෙනස් වෙනවා. අද අපි දුවලා පුතාලට කියා දෙන්න හිතුවේ හොඳ යාළුවෝ වෙන්නේ කොහොමද කියලයි. ඇසුරට හොඳ යාළුවෙක් වීම ගැන කියන්න කලින් ඔයගොල්ලන්ට අසිරිමත් යාළුකමක කථා පුවතක් කියලා දෙන්න අපි කැමතියි. දුවේ පුතේ, මේ සිදුවීම සිදු වුණෙත් බුද්ධ ශාසනයක. හැබැයි ගෞතම සම්බුද්ධ ශාසනයේ නම් නෙවෙයි. අපගේ ශාස්තෘ වූ ගෞතම සම්මා සම්බුදුරජාණන් වහන්සේට පෙර ලොව පහළ වූ කාශ්‍යප සම්මා සම්බුදුරජාණන් වහන්සේගේ බුද්ධ ශාසනයේ දී යි මේ සිද්ධිය වුණේ.දුවලා පුතාලා සමහර විට මේ පුවත අහලත් ඇති. අහල නැති නම් දැනගන්නටත්, අහලා තියෙනවා නම් එ් අසිරිමත් යාළුකම ගැන සිත පහදවා ගන්නටත් උපකාරයක් මෙයින් ඔයාලට ලැබේවි.
වැරදි නැති කෙනෙක් වෙමු.. | ශ්‍රී බුද්ධ වර්ෂ 2559 | ව්‍යවහාරික වර්ෂ 2016 පස්වන කලාපය
ආදරණීය දුවේ පුතේ,අපි හැම කෙනෙක් ම ව්‍යවහාරික පාසල් වාරයක නිමාවට යි එළඹෙන්නේ. තව ටික දවසකට පස්සේ ඔයාලා හැම කෙනෙක් ම දෙවන වාරයේ අධ්‍යාපන කටයුතු ආරම්භ කරනවා. ඔයාලා හැම කෙනෙක් ම පළමුවෙනි වාර විභාගයට උත්තර සපයලා, ප‍්‍රතිඵලත් ලබල අවසන් වේවි මේ පොත අතට ලැබෙද්දි. විභාග ටිකක් අමාරුයි නේද දුවේ පුතේ? හොඳට පාඩම් කරලා, හොඳට සූදානම් වෙලා, හොඳට මතකයේ තියාගෙන, ප‍්‍රශ්න පත්තරේ අතට ගත්ත ම කලබල නො වී විභාගෙට උත්තර ලියන්න පුළුවන් වුණොත් නම් හොඳට ලකුණු ගන්න පුළුවනි. එ් කොහොම වුණත්සි යයෙන් සියයක් ම ලකුණු ගන්නවා කියන එක නම් හරිම අමාරු වැඩක්. එහෙම ලකුණු ගන්න නම් අපට පුංචි ම පුංචි වරදක්වත් වෙන්නෙ නැතිව ප‍්‍රශ්නවලට උත්තර දෙන්න පුළුවන් වෙන්න ඕනි.ගොඩක් වෙලාවට අපිට ප‍්‍රශ්නයක පුංචි කොටසක් හරි වරදින්න පුළුවනි. ඉතින් එ් වැරැුද්ද නිසා අපට ලැබෙන ලකුණු ටිකක් අඩු වෙනවා.
ඇයි මේ තරම් වෙනසක්? ශ්‍රී බුද්ධ වර්ෂ 2559 | ව්‍යවහාරික වර්ෂ 2015 සිව්වන කලාපය
නමෝ බුද්ධාය! පින්වත් දුවේ පුතේ, ඔයාලගේ අතින් හිටවපු මල් පැළ ගැන මතක ද? තමන්ගේ අතින් හිටවපු මල් පැළයක් ලොකු මහත් වෙලා හැදිලා වැඩිලා මල් පිපුණු හැටි මතක ද? ඔයාලා බොහෝ දෙනෙකුට එහෙම සිදුවීම් මතක ඇති. එ් නැතත්, ඔයාලා හැම කෙනෙක්ගේ ගෙදර ම මල් පිපෙන ගස් කිහිපයක්වත් ඇති. ඔන්න ගෙදර වටපිටාව මතක් කරගෙන උත්තර දෙන්න ඕනේ ප‍්‍රශ්නයක් අපි ඔයාලගෙන් අහන්නයි හදන්නේ… ”එ් මල් ගස්වල පිපුණේ මොන මල් ද?” දුවේ, පුතේ, හිටවලා තිබුණෙ දාස්පෙතියා ගහක් නම් පිපුණේ දාස්පෙතියා මල් නේ ද… රෝස ගස්වල රෝස මල්… අරලිය ගස්වල අරලිය මල්… වතුසුද්ද ගස්වල වතුසුද්ද මල්… පිච්ච වැල්වල පිච්ච මල්… කවදාවත් අරලිය ගහක රෝස මල් පිපෙන්නේ නෑ නේ ද? එ් එ් ගස්වල පිපෙන්නේ එ් එ් මල් ම තමයි. ඔන්න ඔය විදිහෙම අදහසක් තියෙන කථාවක් අපේ ජනවහරේ තියෙනවා. දුවලා, පුතාලා මේ කථාව අහලත් තියෙනවා. එ් තමයි දුවේ පුතේ, ‘වපුරන හැටියටයි අස්වැන්න ලැබෙන්නේ’ කියන ජනවහර. උඳු වැපිරුවොත් උඳුත්, තල වැපිරුවොත් තලත් ලැබෙනවා. උඳු වපුරලා තල අස්වැන්නට ගන්න බැහැ.
පිනට මඟ කියන දේවදූතයෝ | ශ්‍රී බුද්ධ වර්ෂ 2559 | ව්‍යවහාරික වර්ෂ 2015 තෙවන කලාපය
ඔයගොල්ලෝ හොඳ වැඩක් කරපුවා ම අම්මලා, තාත්තලා විතරක් නෙමෙයි ඒ හොඳ වැඩේ දකින අහන අයත් දුවට පුතාට හොඳ පුතා කියලා කියනවා. මතක් කරලා බලන්න. ඔයගොල්ලෝ පාසලේ වැඩ ටික පිළිවෙළට, ලස්සනට, නිවැරදිව කරපුව ම ඒක දැකපු අම්මා, තාත්තා සතුටු වුණා නේ ද? ගුරුවර පිරිසත් සතුටු වුණා නේ ද? ඔයගොල්ලෝ ගෙදර දොර, පාසල, පන්ති කාමරය අතු ගාලා, පිරිසිදු කරලා, ලස්සනට තියාගෙන හිටියොත් ඒ ගැනත් ගුරුවර, දෙමව්පිය හැම කෙනෙක් ම සතුටු වෙනවා. ඒ වගේ ම දුවේ පුතේ, ඔයගොල්ලෝ පොඩි සතෙකුට හරි හිරිහැරයක්, කරදරයක් කළොත් අර කිසි ම කෙනෙක් ඒ ගැන නම් සතුටු වෙන්නේ නැහැ. ඔයාලව අගය කරන්නෙත් නෑ. ඔයාලා බොරුවක් කිව්වොත්. ඔයාලා පොඩි දෙයක් හරි හොරෙන් ගත්තොත් ඒ අය ඔයාලව අගය කරන්නේ නැහැ නේ ද?
ගුණයෙන් පිරෙමු.. නුවණින් වැඩෙමු | බුද්ධ වර්ෂ 2559 | ව්‍යවහාරික වර්ෂ 2015 දෙවන කලාපය
“දැන ඉගෙන ගත්තම – තමයි කෙනෙකුගෙ වත්කම
ගුණ නුවණ දැක්කම – ඔබට සලකයි රටේ ඔක්කොම”
මේ කවිය ඔයාලා හැමෝම අහලා ඇති. කියවලත් ඇති දැන ඉගෙන ගත් උගත් කෙනෙක් වෙන එක වත්කමක් කියලයි. මේ කවියෙන් කියන්නේ “වත්කම” කියන දේ ගොඩක් අය මනින්නේ මිල මුදල්වලින්නේ හැබැයි සල්ලි කියන දේ හොරෙකුට වුණත් ගන්න පුළුවන්. ගින්නෙන් වුණත් විනාශ වෙන්න පුළුවන්. රජවරුන්ට රාජසන්තක කරන්නත් පුළුවන්. ඒ කියන්නේ “මිල මුදල්” කියන වත්කම ඕනෑම වෙලාවක නැති වෙලා යන්න පුළුවන්. එහෙම වුණාට මේ කවියේ කියන “දැන උගත්කම” කියන වත්කම කිසි ම කෙනෙකුට අපෙන් උදුරලා ගන්න පුළුවන් ද ? බෑ නේ ද? හොරෙකුට ගන්න බැරි, රජෙකුටවත් ගන්න බැරි, ගින්නෙන් විනාශ වෙන්නෙත් නැති ඒ වගේ වස්තු සම්භාරයක් හරි හම්බ කර ගන්න කැමතියි නේ ද ?