Kaduwela, Sri lanka.

දහම් පාසල් දරුවන් උදෙසා අධ්‍යාපනික උපකරණ පරිත්‍යාගය

නෙල්ලිය ශ්රී මොරොත්තාරාම ශ්රී ධම්මාරාම දහම් පාසැලේ ප්රධානාචාර්යය පුලතිසිගම ධම්මරථන හිමියන් විසින් සිදු කරන ලද ඉල්ලීමකට අනුව, ශ්රද්ධා රූපවාහිනිය මගින් එම දහම් පාසලේ ත්යාගලාභී දරුවන් වෙත රුපියල් ලක්ෂ දෙකකට අධික වටිනාකමකින් යුත් පාසැල් පොත්පත්, සුදු රෙදි, සහ දහම් පොත්පත් ලබා දීම
2022.03.04 දින කඩුවෙල මහමෙව්නාව භාවනා අසපුවේ බෞද්ධ සම්මන්ත්රණ ශාලා පරිශ්රයේදී පින්වත් ස්වාමීන් වහන්සේලාගේ වැඩමවීමෙන් සිදු කරන ලද බව මෙත් සිතින් සිහිපත් කරමු . මේ සඳහා දායකත්වය ඕස්ට්රේලියාවේ පදිංචි පින්වත් අනුර නානායක්කාර මහත්මයා සහ පින්වත් ලසන්ත නාගහවත්ත මහත්මයා විසින් දරනු ලැබීය.

ශ්‍රද්ධා අධ්‍යාපන ශිෂ්‍යත්ව ලබාදීමේ වැඩසටහන 2020-01-04

ශ්‍රද්ධා අධ්‍යාපන ශිෂ්‍යත්ව ලබාදීමේ වැඩසටහන 2020-01-04

ශ්‍රද්ධා අධ්‍යාපන ශිෂ්‍යත්ව පුණ්‍ය ව්‍යාපෘතියේ තවත් එක් අදියරක් වශයෙන් 2020-01-04 වන දින කඩුවෙල මහමෙව්නාව බෝධිඤාණ භාවනා අසපුවේ දී දරුවන් 60 දෙනකුට අධ්‍යාපන ශිෂ්‍යත්ව ලබාදීමේ වැඩසටහනක් පැවත්විය. මේ සඳහා දායකත්වය දරන්නේ ඇමරිකාවේ පදිංචි පින්වත් යුනිල් පෙරේරා මහතා, තක්ෂිලා හේරත් මහත්මිය ඇතුළු පින්වත් පිරිසක් විසිනි. මෙම පුණ්‍ය ව්‍යාපෘතිය යටතේ මේ වන විට රුපියල් මිලියන 40කට වැඩි මුදලක් පාසැල් සහ විශ්වවිද්‍යාල ළමුන් 1500කට අධික ප්‍රමාණයකට ලබා දී ඇත. මෙම උතුම් පින්කමෙන් රැස් වු සියලූ පුණ්‍ය ධර්මයන් ගෞතම බුදුසසුන සුරකින සියලු දෙවියෝ අනුමෝදන් වෙත්වා!!! පින්වත් ලොකු ස්වාමීන් වහන්සේට ද, සිල් ගුණදම් සුරකින සියලු මහ සඟරුවනට ද, අනගාරිකා මෑණියන් වහන්සේලා ට ද, පැවිදි අපේක්ෂක අනගාරික දරුවන්ට ද, අනුමෝදන් වෙත්වා!!! මෙම ශිෂ්‍යත්ව ලබාදීමට දායකත්වය දැක්වූ සියලුම දෙනාට ද මේ පින් අනුමෝදන් වෙත්වා!!! එමෙන්ම මෙම පින්කම සංවිධානය කිරීමට උපකාර කළ කඩුවෙල හේවාගම බෝධිඤාණ අසපුවේ උපස්ථාන කමිටුවේ පින්වතුන් සියලු දෙනාට ද, යොවුන් සභාවේ සියලූ පින්වතුන් ට ද, නන්අයුරින් උපකාර කළ පින්වතුන්ටද, ශ්‍රද්ධා රූපවාහිනියේත් ලක්විරු ගුවන්විදුලියේත් සේවය කරන පින්වත් දරුවන්ට ද, ශ්‍රද්ධා නාලිකාව පවත්වා ගැනීමට උපකාර කරන මාසික ධර්මදාන පින්වතුන්ට ද, මේ සියලු පින් අනුමෝදන් වෙත්වා!!! උතුම් චතුරාර්ය සත්‍ය ධර්මය අවබෝධ කිරීමේ වාසනාව ලබත්වා!!!

පාසල් දූ පුතුන්ට අධ්‍යාපනික උපකරණ බෙදාදීමේ පුණ්‍යකර්මය.

පාසල් දූ පුතුන්ට අධ්‍යාපනික උපකරණ බෙදාදීමේ පුණ්‍යකර්මය.

2019/10/10 දින අනුරාධපුර විහාර බුලංකුලම විද්‍යාලයේ පවත්වන්නට යෙදුන දූ පුතුන්ට පාසල් උපකරණ සහ අධ්‍යාපනික උපකරණ බෙදා දීම සිදු වුණි. මෙහිදී ශ්‍රද්ධා සමාජ සත්කාර අරමුදලට මුදල් ලබා දුන් සුපින්වතුන්ගේ දායකත්ව මුදල් වලින් මෙම පිංකම කරන්නට යෙදිණි. රට, දැය, සාමය රැකගැනීමට උපන් හපන් උගත්, බුද්ධිමත් දරු පිරිසක් බිහිකිරීමේ උදාර අරමුණට උපකාර පිණිස ශ‍්‍රද්ධා සමාජ සත්කාර අංශයේ මූලිකත්වයෙන් පැවැත්වුණු මෙම මහඟු පුණ්‍ය කර්මයෙන් රැස්වූ සියලූ පින් මේ සියලු උතුම් කාර්යයන් සඳහා නිබඳව අපහට කරුණාවෙන් අනුශාසනා කරමින් මාර්ගෝපදේශකත්වය ලබාදෙන්නා වූ අපගේ ගුරුදේවෝත්තම පින්වත් ලොකු ස්වාමීන් වහන්සේ ඇතුළු මහමෙව්නාව භාවනා අසපුවාසී සියලූම පින්වත් ස්වාමීන් වහන්සේලාටත් , අනගාරිකා මෑණිවරුන්ටත්, සැදැහැති දායකත්වය ලබා දුන් පින්වතුන්ටත්, ශ‍්‍රද්ධා සමාජ සත්කාර අංශයේ පින්වතුන්ටත්, ශ‍්‍රද්ධා නාලිකාවේ සේවය කරන සියලූම පින්වත් දරුවන්ටත්, එමෙන්ම ශ‍්‍රද්ධා නාලිකාව පවත්වා ගැනීමට උපකාර කරන මාසික ධර්මදාන සාමාජික පින්වතුන් සියලුම දෙනාටත්, නන් අයුරින් උපකාර කළ සියලු දෙනාටත්, දැකබලා අනුමෝදන්වූ සියලුම දෙනාටත් මේ රැස් කළ සියලු පින් එක සේ අනුමෝදන් වෙත්වා ! නිදුක් නිරෝගී සුවපත්භාවය සැලසී මේ ගෞතම බුදුසසුන තුළ දී ම උතුම් චතුරාර්ය සත්‍ය ධර්මය අවබෝධ කිරීමේ වාසනාව ලබත්වා!!!

පාසල් උපකරණ හා ලිපි ද්‍රව්‍ය ලබා දීමේ පුණ්‍යකර්මය

පාසල් උපකරණ හා ලිපි ද්‍රව්‍ය ලබා දීමේ පුණ්‍යකර්මය

පසුගිය දෙසැම්බර් මාසයේ උතුරු පළාත තුළ ඇති වූ හදිසි ගංවතුර තත්ත්වය නිසා ඒම ප‍්‍රදේශ වල ජීවත් වූ ජනතාව දැඩි ලෙස අසරණතාවයට පත්වුණා.මෙසේ අසරණතාවයට පැමිණි ජනතාවට සවියක් වීම සළකා ඔවුනගේ සුභ සෙත උදෙසා, එම පවුල් වල දරුවන්ගේ අධ්‍යාපන කටයුතු වෙනුවෙන් ශ‍්‍රද්ධා සමාජ සත්කාර ඒකකය විසින් පාසැල් උපකරණ හා ලිපි ද්‍රව්‍ය ලබා දීමේ පුණ්‍යකර්මයක් පසුගියදා සිදු කළා.

මෙහිදී කිලිනොච්චියේ කණ්ඩාවලෛ මහා විද්‍යාලය, ධර්ම පුරම් අම්බිකයි විද්‍යාලය,මුලතිව් නෙත්තලියාරු දෙමළ විද්‍යාලය යන පාසල් තුන කේන්ද්‍ර කර ගනිමිනුයි මෙම පාසැල් උපකරණ බෙදා දීම සිදු වුණේ. මේ පින්කමේදී 350 කට අධික දරුවන් පිරිසක් උදෙසා පාසැල් බෑග් , හා අනෙකුත් පාසැල් උපකරණ ඇතුළු රු3500කට අධික වටිනාකමකින් යුතු අංග සම්පුර්ණ පාසැල් උපකරණ කට්ටලයක් බැගින් ලබාදීම සිදුවුනා.මෙසේ බෙදා දුන් ආධාර වල වටිනාකම රුපියල් මිලියනයකට අධිකයි.මහමෙව්නාව භාවනා අසපු සංචිතයට සම්බන්ධ සැදැහැවතුන්ගේ හා ශ‍්‍රද්ධා රූපවාහිනී පේ‍්‍රක්ෂක, ලක්විරු ගුවන්විදුලි ශ්‍රාවක ඔබගේ ද්‍රව්‍යමය හා මූල්‍යමය දායකත්වයෙන් මෙම පින්කම සාර්ථක කරගැනීමට ශ්‍රද්ධා සමාජ සත්කාර අංශයට හැකියාව ලැබුණා. රට, දැය, සමය රැකගැනීමට උපන් හපන් උගත්, බුද්ධිමත් දරු පිරිසක් බිහිකිරීමේ උදාර අරමුණට උපකාර පිණිස ශ‍්‍රද්ධා සමාජ සත්කාර අංශයේ මූලිකත්වයෙන් පැවැත්වුණු මෙම මහඟු පුණ්‍ය කර්මයෙන් රැස්වූ සියලූ පින් මේ සියලු උතුම් කාර්යයන් සඳහා නිබඳව අපහට කරුණාවෙන් අනුශාසනා කරමින් මාර්ගෝපදේශකත්වය ලබාදෙන්නා වූ අපගේ ගුරුදේවෝත්තම පින්වත් ලොකු ස්වාමීන් වහන්සේ ඇතුළු මහමෙව්නාව භාවනා අසපුවාසී සියලූම පින්වත් ස්වාමීන් වහන්සේලාටත් , අනගාරිකා මෑණිවරුන්ටත්, සැදැහැති දායකත්වය ලබා දුන් පින්වතුන්ටත්, ශ‍්‍රද්ධා සමාජ සත්කාර අංශයේ පින්වතුන්ටත්, ශ‍්‍රද්ධා නාලිකාවේ සේවය කරන සියලූම පින්වත් දරුවන්ටත්, එමෙන්ම ශ‍්‍රද්ධා නාලිකාව පවත්වා ගැනීමට උපකාර කරන මාසික ධර්මදාන සාමාජික පින්වතුන් සියලුම දෙනාටත්, නන් අයුරින් උපකාර කළ සියලු දෙනාටත්, දැකබලා අනුමෝදන්වූ සියලුම දෙනාටත් මේ රැස් කළ සියලු පින් එක සේ අනුමෝදන් වෙත්වා ! නිදුක් නිරෝගී සුවපත්භාවය සැලසී මේ ගෞතම බුදුසසුන තුළ දී ම උතුම් චතුරාර්ය සත්‍ය ධර්මය අවබෝධ කිරීමේ වාසනාව ලබත්වා!!!

අධ්‍යාපන ශිෂ්‍යත්ව ලබාදීමේ වැඩසටහන

අධ්‍යාපන ශිෂ්‍යත්ව ලබාදීමේ වැඩසටහන

ආර්ථික දුෂ්කරතා මධ්‍යයේ ජීවිතය ජය ගන්නට වෙර දරන පින්වන්ත දූ පුතුන් වෙනුවෙන් ශ්‍රද්ධා සමාජ සත්කාර අංශය විසින් ක්‍රියාත්මක කරනු ලබන අධ්‍යාපන ශිෂ්‍යත්ව වැඩසටහනට සමගාමීව තවත් දරුවන් 25 දෙනෙකු උදෙසා ශිෂ්‍යත්ව පිරිනැමීම 2018-10-06 වන දින බුලත්සිංහ මහමෙව්නාව භාවනා අසපුවේ දී පැවැත්විය.