මාරාන්තික වකුගඩු රෝගයට ගොදුරු වීමේ අවධානමෙන් පසුවෙන
අපේම රටේ අසරණ ජනතාවට පිහිට වනු පිණිස පිරිසිදු පානීය ජලය ලබා දීමේ සත්කාර්යය! බැර ලෝහ මිශ්ර ජලය පිරිපහදු කොට ජනතාව වෙත ලබා දීමත්, ජලය දුෂ්කර ප්රදේශ වලට ජල පහසුකම් සැපයීමත් මෙම ව්‍යාපෘතියේ මූලික කාර්ය භාරයයි.
කාලයක් තිස්සේ ගොවිතැන් උදෙසා යොදන ලබන රසායනික පොහොර හා කෘමිනාශක ආදිය නිසා එම භූගත ජලයට කෘෂි රසායනිකයන්ගේ අඩංගු ආසනික්, කැඩ්මියම්, රසදිය ආදී මිනිස් සිරුරට අහිතකර විෂ සහිත ලෝහ ද්‍රව්‍යයන් එක්ව තිබෙන බව පරීක්ෂණ වලින් තහවුරු වී තිබේ.
වකුගඩු රෝගීන් 150000 ක් පමණ උතුරුමැද පළාතෙහි සිටිනවා. 20000 පමණ ප්‍රමාණයක් වාර්ෂිකව රෝගය නිසා මිය යනවා.
මාරාන්තික වකුගඩු රෝගයට අහිංසක මිනිස් ජීවිත බිලිගැනීමට තවත් ඉඩ දෙනවාද?
අප දේශයේම එක් කෙළවරක වාසය කරන බීමට පිරිසිදු පැන් පොදක් නොමැති අහිංසක ජනතාවට පිළිසරණක් වන්නට අප විසින් ශ්‍රද්ධා පිවිතුරු පැන් පූජා පුණ්‍ය ව්‍යාපෘතිය අරඹන ලදී. ඒ ඔස්සේ දූෂිත ජලය පරිහරණයෙන් වකුගඩු රෝගය වැළදෙන පළාත් වල ජල පිරිපහදු කිරීමේ ඒකක සවි වනු ඇත. විශේෂයෙන්ම මෙහිදී ආසනික් කැඩ්මියම් වැනි බැරලෝහ වර්ග පවා ඉහළ ප්‍රමාණයන්ගෙන් ජලයට මිශ්ර වී ඇති නිසා ඒවා ඉවත් කරනු පිණිස රිවර්ස් ඔස්මොසිස් (RO) නම් තාක්ෂණය භාවිතා කිරීමට සිදුවේ.
එහිදී දළ වශයෙන් එක් ගමක පානිය ජල අවශ්‍යතාවය සපුරන වතුර ෆිල්ටරයක මිල දළ වශයෙන් රු. දස ලක්ෂයක් පමණ වේ. මෙම ෆිල්ටරය ස්ථාපිත කිරීමට කුඩා නිවෙස්නයක් ද තැනිය යුතු වේ. මේ ආකාර ජල පිරිපහදු කිරීමේ ඒකක ගමින් ගමට ගමේ පන්සල ඇසුරු කොට ගෙන ස්ථාපිත කිරීමට කටයුතු යොදමින් පවතියි. එහිදී අදාළ ජනතාවට ගමේ පන්සල ඇසුරු කොට ගෙන පානීය ජලය ලබා ගත හැකි වනු ඇත.
මෙම ව්‍යාපෘතියට දායක වී පින් රැස් කරගනු කැමති ඔබට ඒ සඳහා පහත අයුරින් සම්බන්ධ විය හැකි යි.
මෙම මහඟු පුණ්‍යකර්මය උදෙසා ඔබට හැකි අයුරින් මූල්‍යමය වශයෙන් පරිත්‍යාගයන් සිදු කළ හැකි ය. එහි දී මුදල් පරිත්‍යාග සිදු කළ යුතු වන්නේ පහත බැංකු ගිණුමට යි.
Bank:: Sampath Bank – Kaduwela
Ac Number:: 1162 1399 8878
Ac Name:: Shraddha Media Network
මුදල් පරිත්‍යාග කිරීමෙන් පසුව ලැබෙන රිසිට් පතෙහි “පිවිතුරු පැන් පූජා“ යනුවෙන් සටහන් කොට ශ්‍රද්ධා රූපවාහිනිය වෙත තැපැල් කිරීම හෝ info@shraddha.lk වෙත ඊමේල් කිරීම හෝ සිදු කළ හැකිය.
ඔබේ ආයතනය හෝ ඔබ රැකියා කරන ආයතනය මෙම උතුම් පුණ්‍ය කටයුත්ත උදෙසා යොමු කිරීම සිදු කළ හැකි ය. එහි දී සම්පූර්ණ ගමකට හෝ ගම්මාන කිහිපයකට හෝ ජල පිරිපහදු තනවා පූජා කිරීම එම ආයතනයේ අනුග්‍රහයත් ශ්‍රද්ධා රූපවාහිනියේ අධීක්ෂණයත් සම්බන්ධීකරණයත් යටතේ සිදු වනු ඇත.
ඔබට හැකි පරිදි මෙම පුණ්‍ය කර්මයට අවශ්‍ය ජල ටැංකි පරිත්‍යාග කිරීම, පිරිපහදු ඒකකය ස්ථාපිත කරන නිවෙස්නය (building) තැනවීමට ආධාර කිරීම වැනි ක්‍රම ඔස්සේ ද මේ උදෙසා දායක විය හැකිය..
ශ්‍රමයෙන් සහ හැකියාවන්ගෙන් දායක විය හැකි ආකාර පිළිබඳව ඒ ඒ අවස්ථාවන් හි දි ශ්‍රද්ධා වෙබ් අඩවිය ඔස්සේ දැනුවත් කරනු ලැබේ.
මෙම පුණ්‍ය ව්‍යාපෘතිය සඳහා වැඩි විස්තර ලබාගනු කැමති නම් 070 6432836 දුරකථන අංකය අමතන්න…
98 වන ජල පිරිපහදු මධ්‍යස්ථානය බැරලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රිය වීමේ මාරාන්තික රෝගයෙන් පීඩාවට පත් අපේම
97 වන ජල පිරිපහදු මධ්‍යස්ථානය බැරලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රිය වීමේ මාරාන්තික රෝගයෙන් පීඩාවට පත් අපේම
96 වන ජල පිරිපහදු මධ්‍යස්ථානය බැරලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රිය වීමේ මාරාන්තික රෝගයෙන් පීඩාවට පත් අපේම
ශ්‍රද්ධා සම්බුද්ධ ප්‍රතිමා පූජා පින්කම 2022-01-20 ශ්‍රද්ධා රූපවාහිනියේ සමාජ සත්කාර අංශය මගින් සංවිධානය කරනු ලැබූ සම්බුද්ධ ප්‍රතිමා පූජා පින්කම පින්වත් ස්වාමීන් වහන්සේලාගේ සහභාගීත්වයෙන් 2022-01-20 වන
පිවිතුරු පැන් පූජා – 63 වන ජල පිරිපහදු මධ්‍යස්ථානය බැර ලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රිය වීමේ
පිවිතුරු පැන් පූජා – 62 වන ජල පිරිපහදු මධ්‍යස්ථානය බැර ලෝහ මිශ්ර අපිරිසිදු ජල පරිභෝජනය හේතුවෙන් අප මාතෘභූමියේ ප්රදේශ ගණනාවක පැතිර යන වකුගඩු අක්රිය වීමේ
කෘෂිරසායනික භාවිතය නිසා අධිසාන්ද්‍රණයෙන් එක්ව ඇති බැර ලෝහ සහිත අපිරිසදු ජලය පානය හේතු කොටගෙන ලංකාවේ උතුරු මැද පළාත ප්‍රමුඛ පළාත් කිහිපයක, දැනට සීඝ්‍රයෙන් පැතිර යන වකුගඩු රෝගය හඳුන්වනු ලබන්නේ, “නිදන්ගත වකුගඩු රෝගය ( Chronic Kidney disease – CKD )“ ලෙස ය. මෙය පසුගිය වසර 8-10 පමණ කායලක් තුළ ශ්‍රී ලංකාවේ ප්‍රධානතම බෝ නොවන සෞඛ්‍ය ගැටලුවක් බවට පත්ව ඇති රෝගයකි. මෙම රෝගයට නිශ්චිත හේතුවක් මෑතක් වනතුරු ම හඳුනාගෙන නොතිබුණු හෙයින් එය හඳුනානොගත් වකුගඩු රෝගය ලෙස හදුන්වන්නට යෙදුනි. මෙම වකුගඩු රෝගය අනෙකුත් වකුගඩු රෝගයන්ට වඩා වෙනස් වනුයේ, දීර්ඝ කාලයක් රෝග ලක්ෂණ පෙන්නුම් නොකර රෝගියා තුළ සැඟව පවතිමින් ක්‍රමයෙන් වැඩි දියුණු වී මාරාන්තික තත්වයට පත්වන නිසා ය. විශේෂයෙන් ම මෙම රෝගය තරුණ වයසේ පසුවන අයගේ සිට, කෘෂි කර්මාන්ත ක්ෂේත්‍රයේ රැකියා කරන වයස අවුරුදු 40-60 දක්වා වයස් කාණ්ඩවල පසුවන අය දක්වා ම බහුල වශයෙන් දැකිය හැකි ය. රෝගය පළමුවරට වාර්තා වූයේ 1992 වර්ෂයේ වන අතර මේ වන විට එය දහස් සංඛ්‍යාත පිරිසකගේ ජීවිත අනතුරෙහි හෙළා තිබේ.
නිදන්ගත වකුගඩු රෝගයේ දී වකුගඩුව එක්වරම අක්‍රීය තත්වයට නොවේ. වසර ගණනාවක් තිස්සේ ක්‍රමයෙන් ක්‍රියාවිරහිත වීම සිදු වේ. රෝගය මගින් වකුගඩු අක්රිය වීම මූලික පියවර 5ක් ඔස්සේ සිදු වන බව විශේෂයෙන් හඳුනාගෙන තිබේ. රෝගය පස්වන හෙවත් අවසාන පියවරට පත් වූ විට එය වකුගඩු අක්රිය වීම, අවසන් අදියරෙහි වකුගඩු රෝගය, ආදී වශයෙන් හඳුන්වනු ලැබේ. එම අවදියෙහි දී වකුගඩුවල ක්‍රියාකාරීත්වය සම්පූර්ණයෙන් ම හෝ සම්පූර්ණයෙන් ම අක්‍රියවීමට ආසන්න මට්ටමට හෝ පත්වේ! වකුගඩු රෝගය මෙසේ පස්වන අවදියට පත් වූ විට එම රෝගීන් ජීවත්කරවීම පිණිස නිරන්තරයෙන් රුධිර කාන්දුකරණය මගින් රුධිරය පිරිසිදු කිරීම හෝ වකුගඩුවක් බද්ධ කිරීම අනිවාර්යයෙන් කළ යුතු මට්ටමට පත්වේ! මෙම වකුගඩු රෝගය කාලක් තිස්සේ ක්‍රමයෙන් වැඩි දියුණු වන නිසා රෝගීන්ගෙන් බොහෝ පිරිසක්, අවසන් අදියරට පත්වන තෙක් ම රෝගයට ගොදුරුව ඇති බව හඳුනාගන්නේ නැත.
අනුරාධපුර දිස්ත්‍රික්කය උතුරින් වවුනියාව, මන්නාරම සහ මුලතිව් දිස්ත්‍රික්කවලට ද, දකුණින් කුරුණෑගල සහ මාතලේ දිස්ත්‍රික්කවලට ද, බටහිරින් පුත්තල ම සහ මන්නාරම දිස්ත්‍රික්ක වලට ද නැගෙනහිරින් පොලොන්නරුව සහ ත්‍රිකුණාමලය යන දිස්ත්‍රික්කවලට ද මායිම්ව පවතී. අනුරාධපුර දිස්ත්‍රික්කය ලංකාවේ විශාලතම පරිපාලන දිස්ත්‍රික්කය යි. එය රටෙහි මුලු වර්ගඵලයෙන් 10% පමණ ආවරණය කරන අතර වර්ග කි.මී. 7,179 ක වපසරියකින් යුක්ත ය. අනුරාධපුර දිස්ත්‍රික්කයේ ජනගහණය දළ වශයෙන් 860,000 ක් පමණ වේ. ආසන හතකින් ද ග්‍රාමනිලධාරී කොට්ටාශ 649 කින් ද සමන්විත අනුරාධපුර දිස්ත්‍රික්කය බොහෝකොටම කෘෂිකර්මාන්තය මත රදා පවතින ප්‍රදේශයකි.
මේ වන විට වාර්තාගත වැඩිම වකුගඩු රෝගීන් ප්‍රමාණයක් සිටින්නේ අනුරාධපුර දිස්ත්‍රික්කයේ ය. දළ වශයෙන් සෑම වසරක දී ම අලුතෙන් රෝගීන් 1350 ක පමණ ප්‍රමාණයක් අනුරාධපුර ප්‍රදේශයෙන් වාර්තා වේ. ප්‍රතිශතයක් වශයෙන් ගත් කළ අනුරාධපුර දිස්ත්‍රික්කයේ ජනගහනයෙන් 20%ක පමණ ප්‍රමාණයක් වකුගඩු රෝගයෙන් පෙළෙන බව වාර්තාවේ. වෛද්‍ය රණසිංහ මහතාගේ දත්තයන්ට අනුව මැදවච්චිය ප්‍රදේශයෙන් පමණක් රෝගීන් 2823 ක් ද, පදවිය ප්‍රදේශයෙන් රෝගීන් 2464 ක් ද කැබිතිගොල්ලෑවෙන් රෝගීන් 933 ක් මේ වන විට හදුනාගෙන ඇත. මෙය කෙතරම් බරපතල තත්වයකට පත්ව ඇද්ද කිවහොත් වසරක පමණ කාලයක තුළ දී අනුරාධපුර ප්‍රදේශයේ රෝගීන් 2000ක් පමණ වකුගඩු රෝගය නිසා මිය යෑම සිදුවේ. එම අගයන් රෝහල් තුළ මිය යන අයගේ වාර්තාවලින් පමණි.
අනුරාධපුර දිස්ත්‍රික්කයට අමතරව පොලොන්නරුව, ගිරාඳුරුකෝට්ටේ, අම්පාර ආදී ප්‍රදේශවලින්ද වකුගඩු රෝගීන් බහුළ වශයෙන් වාර්තා වේ. පොළොන්නරුව දිස්ත්‍රික්කයේ සමස්ථ ජනගහනයෙන් 25% පමණ වකුගඩු රෝගයෙන් පීඩා විඳින බව සමීක්ෂණ මගින් හෙළිදරව් වී ඇත. මෙය ප්‍රතිශතයක් වශයෙන් ගත් කළ වාර්තාගත ඉහළ ම අගයයි. රජයේ වෛද්‍ය නිළධාරීන්ගේ සංගමයට අනුව සමස්ථ උතුරුමැද පළාතෙහි වකුගඩු රෝගීන් 150,000 ක් පමණ සිටිති. 20,000 පමණ ප්‍රමාණයක් වාර්ෂිකව රෝගය නිසා මිය යති. තවද උතුරු මැද පළාතේ බොහෝ රෝහල් වකුගඩු රෝගීන්ගෙන් පිරී පවතින බව එම රෝහල් වලට යන ඕනෑම අයෙකුට දැකගත හැකි ය.
දැන් මෙය වසර දීර්ඝ කාලයක් තිස්සේ ලාංකීය ජනතාව පීඩාවට පත් වූ යුද්ධයට ද වඩා දරුණු ලෙස ජීවිත බිලිගන්නා ව්‍යසනයක් වී හමාරය. රෝගයට ගොදුරු වන අයගෙන් බහුතරය, වයස අවුරුදු 30-50 අතර සිටින ගොවිතැනෙහි යෙදෙන පිරිමි පුද්ගලයන් වේ. මෙම පිරිස පවුල් සංස්ථාව තුළ බර උසුලන පියවරුන්, ස්වාමිවරුන්, සොහොයුරන් වැනි පුද්ගලයින් නිසා, එම ප්‍රදේශයේ නිවෙස්වල ඇතිව ඇති තත්වය ඉතා ඛේදනීය ය. ශ්‍රීපුර, පදවිය, පූජාගස්පංගුව මහා විද්‍යාලයේ විදුහල්පති තුමා වන එච්.එම්. ගාමිනී හිමිදුම මහතා පැවසුවේ එතුමා සේවය කරන පාසලෙහි පමණක් දරුවන් 50 දෙනෙකුගේ පමණ මව සහ පියා යන දෙදෙනා ම නිදන්ගත වකුගඩු රෝගය නිසා මිය ගොස් ඇති බව යි. මෙය කෙතරම් සමාජීය අර්බුදයක් බවට පත්ව ඇද්ද යන්න එපමණකින් ම සිතා ගත හැකි ය. මේ අතර ම මෙම රෝගය ක්‍රමයෙන් යාබද පළාත්කරා ද ව්‍යාප්තවෙමින් පවතී.
සෞඛ්‍ය අමාත්‍යාංශය සහ ලෝක සෞඛ්‍ය සවිධානය එක්ව මෙම රෝගයට හේතු සාධක සෙවීම පිණිස පර්යේෂණ පවත්වා තිබේ. ඊට අමතර ලංකාවේ විශ්ව විද්‍යාල වලින් මෙන් ම පිටරට විශ්වවිද්‍යාල වලින් ද මේ සම්බන්ධයෙන් ස්වාධීන පරීක්ෂණ පවත්වා ඇත. එම පර්යේෂකයින්ගෙන් බහුතරය විශ්වාස කරනුයේ මෙම රෝගයට හේතුව රසායනික ද්‍රව්‍ය බහුල වශයෙන් අඩංගු දූෂිත ජලය පානය කිරීම බව යි. මේ සම්බන්ධයෙන් පරීක්ෂණ සිදු කළ කැළණිය විශ්වවිද්‍යාලයේ රසායන විද්‍යා අංශයෙහි පර්යේෂකයින් පවසන්නේ ජලයෙහි අධිසාන්ද්‍රණයෙන් දිය වී ඇති ආසනික්, කැඩ්මියම්, මර්කරි වැනි බැර ලෝහ මෙම රෝගයට සෘජුව බලපාන බව යි. මේ බව මෑතක දී සිදු කරන ලද තවත් බොහෝ පර්යේෂණ වාර්තාවන්ගෙන් තහවුරුව තිබේ. උතුරුමැද පළාත බහුල වශයෙන් කෘෂිකර්මාන්තය ව්‍යාප්තව ඇති ප්‍රදේශයක් නිසා, පොහොර සහ කෘමිනාශක මගින් බැර ලෝහ, මතුපිට ජලයට පමණක් නොව භූගත ජලයට ද එක්ව ඇති බව සොයාගෙන ඇත.
රජරට විශ්වවිද්‍යාලයේ කතිකාචාර්ය වෛද්‍ය චන්න ජයසුමන, කැලිෆොර්නියා විශ්වවිද්‍යාලයේ මහාචාර්ය සරත්ගුණතිලක, ප්‍රියන්තා සේනානායක යන මහත්ම මහත්මීන් විසින් සිදු කරණු ලැබූ නවතම පර්යේෂණයකට අනුව, කෘෂිරසායනයන්ගේ අඩංගු ග්ලයිෆොසිට් නම් රසායනය බැර ලෝහ සහ කඨින ජලය සමග එක්වී සැකසෙන සංයෝගයන් ද මෙම වකුගඩු රෝගයට හේතු සාධක වන බව සොයාගෙන තිබේ.
තවද විශේෂයෙන් ම රසායනික ද්‍රව්‍ය මිශ්ර නොවූ ජල උල්පත් කිහිපයක් ද මෙම ප්‍රදේශයේ පිහිටා තිබේ. එම උල්පත් ජලය පානය කරන මිනිසුන් තුළ මෙම රෝග ලක්ෂණ කිසිවක් නොමැති බව සොයාගෙන ඇත.
මුලු මහත් දේශයට ම මහත් ව්‍යසනයක් ව ඇති, අපිරිසිදු පානීය ජලය නිසා ඇතිවන වකුගඩු රෝගයෙන් අපේ ජනතාව ගලවා ගනු පිණිස, ශ්‍රද්ධා රූපවාහිනියත්, ප්‍රජා සංවර්ධන මධ්‍යස්ථානයත්, කැළණිය විශ්වවිද්‍යාලයේ රසායන විද්‍යා අංශයත්, සිවිල් ආරක්ෂක දෙපාර්තමේන්තුවත් එක්ව ක්‍රියාත්මක කරනු ලබන ශ්‍රද්ධා පිවිතුරු පැන් පූජා ව්‍යාපෘතිය පහත අයුරින් අදියරයන් කිහිපයක් යටතේ ක්‍රියාත්මක වේ!
වකුගඩු රෝගය බහුළ වශයෙන් ව්‍යාප්තව පවතින ප්‍රදේශවල ඇති භාවිතයට ගන්නා සියලුම ජල මූලාශ්‍ර, පානයට සුදුසු ද නොවේ ද යන්න පිළිබඳව පරීක්ෂාවට ලක් කිරීම. මේ සඳහා ජාතික ජලසම්පත් මණ්ඩලයේ සහ කැළණිය විශ්වවිද්‍යාලයේ සහයෝගය ශ්‍රද්ධා පිවිතුරු පැන් පූජා පුණ්‍ය ව්‍යාපෘතිය වෙත හිමිවන අතර, අන්තර්ජාතික තත්වයන්ට අනුකූලව එසේ පරීක්ෂාවට ලක්වන ජල මූලාශ්‍ර වල සුදුසු නුසුදුසු භාවය ඒවා අසල දැන්වීමක් ලෙස සටහන් කිරීම සිදු කරනු ලැබේ. එවිට සුදුසු නුසුදුසු ජල මූලාශ පිළිබඳව ප්‍රදේශයේ ජනතාව හොඳින් දැනුවත් වන නිසා, සුදුසු පානීය ජලය ඇති ප්‍රභව තෝරා ගැනීමේ අවස්ථාව ඔවුනට හිමිවේ. මේ අයුරින් ජල ප්‍රභව හැකිතාක් ප්‍රමාණයක් තත්ව පරීක්ෂාවට ලක් කිරීට බලාපොරොත්තු වන අතර එම දත්තයන් ශ්‍රද්ධා පිවිතුරු පැන් පූජා ව්‍යාපෘතියේ ඉදිරි කටයුතු උදෙසා ද සක්‍රීය ලෙස යොදා ගනු ලැබේ.
පළමු පියවර ක්‍රියාත්මක වන අතර තුර දීම, එමගින් ලබා ගන්නා දත්ත සහ අනෙකුත් ආයතන වලින් ලබා ගන්නා දත්ත මුල් කොටගෙන, වඩාත් වැඩියෙන් වකුගඩු රෝගය ව්‍යාපත්ව පවතින සහ පිරිසිදු පානීය ජල ප්‍රභව අඩු ගම්මාන වල විශාල ජල පිරිපහදු ඒකක ස්ථාපිත කරනු ලැබේ. ජල පිරිපහදු ඒකකය ස්ථාපිත කරනු ලබන්නේ වසර පුරා අඛණ්ඩ සහ ප්‍රමාණවත් ජල සැපයුමක් ලබා දෙන ප්‍රභව ආශ්‍රිතව වේ. එසේ ම එහි දී පහසුවෙන් ජනයාට ලගා විය හැකි ස්ථාන වලට ද ප්‍රමුඛත්වය ලබා දෙනු ලැබේ.මෙහි දී පිරිපහදු ක්‍රියාවලිය උදෙසා යොදා ගනු ලබන්නේ රිවර්ස් ඔස්මොසිස් නම් තාක්ෂණික ක්‍රමවේදය යි. එම ක්‍රමවේදය යටතේ ජලයේ ඇති ආසනික්, කැඩ්මියම්, රසදිය, ෆ්ලෝරයිඩ් ආදී වූ ජලයේ රසායනික ප්‍රභවද පානයට සුදුසු මට්ටම දක්වාම පෙරා ඉවත් කරනු ලැබේ. එසේ පිරිසිදු කරනු ලැබූ ජලය ටැංකිවල ගබඩා කොට ජනතාව වෙත ලබා දීමට කටයුතු කරනු ලැබේ.
ඉහත පියවරයන් ක්‍රියාත්මක වන අතර තුර දී ම, මහත් ව්‍යසනකාරී මෙම රෝගය වළක්වා ගැනීම පිණිස ගත යුතු පියවර සම්බන්ධයෙන් ජනතාව දැනුවත් කිරීමේ වැඩසටහන් ද ක්‍රියාත්මක කරනු ලැබේ. විශේෂයෙන් ජල දූෂණය පිණිස හේතුවන කෘමිනාශක හා පොහොර වර්ග භාවිතයෙන් වැළකී සිටීම සම්බන්ධයෙන් ද, පිරිසිදු පානීය ජලය භාවිතා කිරීමේ ඇති වැදගත්කම සම්බන්ධයෙන් ද වකුගඩු රෝගය වළක්වා ගැනීමට ගත හැකි අනෙකුත් පියවර සම්බන්ධයෙන්ද මහජනතාව දැනුවත් කරනු ලැබේ.
To experience life and to win at life. Let your humanity be a guiding light in their time of darkness . This is you time to help.