අපගේ ගුරුදේවෝත්තම පින්වත් ලොකු ස්වාමීන් වහන්සේගේ අනුශාසනා පරිදි පොල්ගහවෙල මහමෙව්නාව භාවනා අසපුවේ පූර්ණ දායකත්වයෙන් වියලි ආහාර ද්රව්ය සහ අත්යවශ්ය භාණ්ඩ සහිත මලු 50 ක් 2022-10-29 දින විජයගුණරත්න භික්ෂු ආශ්රමයේදී කුප්පියාවත්ත ප්රදේශයේ සහ ඒ අවට ජීවත් වන උපකාර අවශ්ය පවුල් 50 ක් වෙත පූජා කිරීම සිදු කරනු ලැබීය. එහිදී එක් පවුලකට සහල්, පරිප්පු, සීනි, තේ කොළ, නුඩ්ල්ස්, සෝයාමීට්, පොල් , ලුණු, සබන්, ටූත්පේස්ට්, ටූත්බ්රෂ්, පැනඩෝල්, අසමෝදගම්, පාවහන් යුගලක්, මදුරුවන්ගෙන් ආරක්ෂාවීමට දැල් යන දෑ අඩංගු බොහෝ වටිනාකමක් සහිත මල්ලක් ලබා දෙන ලදී.
මේ උතුම් පින්කම මඟින් රැස්වන සියලු පින් අපගේ ගුරුදේවෝත්තම පින්වත් ලොකු ස්වාමීන් වහන්සේටත්, මහමෙව්නාව භාවනා අසපුවාසී , ලෝවාසී පින්වත් මහා සංඝරත්නයටත් අනුමෝදන් වෙත්වා ! සුවසේම උතුම් චතුරාර්ය සත්ය ධර්මය අවබෝධ කිරීමේ වාසනාව උදා වෙත්වා ! දැකබලා සතුටුවන සුපින්වත් ඔබ සැමටත් එකසේ අනුමෝදන් වෙත්වා! මේ ගෞතම බුදුසසුනේ දී ම උතුම් ධර්මාවබෝධය කිරීමේ වාසනාව උදාවේවා!