ඇය නමින් දිනායා පැහැසැරණි. නිරෝගී දරුවෙකු ලෙස මනුලොව උපත ලද ඇය සය මසක් වනතුරු මව් පිය පහසේ නිරෝගීව වැඩෙමින් ජීවත් විය. සය මස අවසානයේ ප්රතිශක්ති වැඩසටහන යටතේ එන්නත්කරණයට ලක්වූ ඇයට, සිදු වූ අත්වැරදීමක් නිසා අවසනාවන්ත ලෙස රෝගාතුර වන්නට සිදු විය. ඒ අනුව මේ වන විට පුරා වසර එකොළහක් මුළුල්ලේ ඇය රෝද පුටුවේ, මවගේ උර මත හෝ ඇඳ මත තම ජීවිතය ගත කරනු ලබනවා. ඇයට දෙන අහාර පවා දියර ලෙස ලබා දෙන අතර මවගේ සහය නොමැතිව වැසිකිළි කැසිකිළි කිරීමටද ඇයට නොහැකිය. මාස්පතා අහංගම සිට කරාපිටිය රෝහලට ත්රීරෝද රථයක් මගින් ගමන් කිරීමට ඔවුනට සිදුව ඇත. ඒ සමග සිදු වන අනෙක් වියදම්ද සමගින් ගෘහණියක් ලෙස දරුවන් රැක බලා ගන්නා මවටත් කුලීවැඩ කරනා පියාටත් එම වියදම් පියවා ගැනීම අපහසුය.
මෙලෙස ජීවන කටයුතු සිදු වන අතරතුර දරුවා භාවිතා කරන ලද රෝද පුටුව අබලන් වී ඇති බැවින් ඔවුන් අපගෙන් රෝද පුටුවක් ලබා දෙන ලෙසට ඉල්ලීමක් සිදු කරන ලද අතර විස්තරය දැනුවත් කිරීමෙන් අනතුරව අද දින ලබා දුන් රු.35000.00 වටිනා මෙම රෝද පුටුව සඳහා එංගලන්තයේ පදිංචි පින්වත් ගයාන් කෝදාගොඩ මහත්මා ඇතුලු පවුලේ සැම විසින් දායකත්වය දරණ ලදි.
රැස් වූ සියලු පින් මේ උතුම් පිංකම සඳහා දායක වූ එංගලන්තයේ පදිංචි පින්වත් ගයාන් කෝදාගොඩ මහත්මා ඇතුලු පවුලේ සියලු දෙනා සතුටින් අනුමෝදන් වෙත්වා! නිදුක් නීරෝගී චිරජීවනය ලබත්වා! ප්රාර්ථනීය අදහස් සඵල වේවා! උතුම් චතුරාර්ය සත්ය ධර්මය අවබෝධ කිරීමේ වාසනාව ලබත්වා!!!
ගෞතම බුදු සසුන සුරකින දෙවියෝද අපගේ ගුරුදේවෝත්තම පින්වත් ලොකු ස්වාමීන් වහන්සේ වරප්රමුඛ මහා සඟ රුවනද ශ්රද්ධා ධර්මදාන සාමාජිකයන්ද ශ්රද්ධා රූපවාහිනියේ සියළු දෙනාද නන් අයුරින් උපකාර කරනා සියල්ලෝ ද රැස්වූ සියළු පින් සතුටින් අනුමෝදන් වෙත්වා!
තෙරුවන් සරණයි!!!
– ශ්රද්ධා TV සමාජ සත්කාර අංශය
