ඔයගොල්ලෝ හොඳ වැඩක් කරපුවා ම අම්මලා, තාත්තලා විතරක් නෙමෙයි ඒ හොඳ වැඩේ දකින අහන අයත් දුවට පුතාට හොඳ පුතා කියලා කියනවා. මතක් කරලා බලන්න. ඔයගොල්ලෝ පාසලේ වැඩ ටික පිළිවෙළට, ලස්සනට, නිවැරදිව කරපුව ම ඒක දැකපු අම්මා, තාත්තා සතුටු වුණා නේ ද? ගුරුවර පිරිසත් සතුටු වුණා නේ ද? ඔයගොල්ලෝ ගෙදර දොර, පාසල, පන්ති කාමරය අතු ගාලා, පිරිසිදු කරලා, ලස්සනට තියාගෙන හිටියොත් ඒ ගැනත් ගුරුවර, දෙමව්පිය හැම කෙනෙක් ම සතුටු වෙනවා. ඒ වගේ ම දුවේ පුතේ, ඔයගොල්ලෝ පොඩි සතෙකුට හරි හිරිහැරයක්, කරදරයක් කළොත් අර කිසි ම කෙනෙක් ඒ ගැන නම් සතුටු වෙන්නේ නැහැ. ඔයාලව අගය කරන්නෙත් නෑ. ඔයාලා බොරුවක් කිව්වොත්. ඔයාලා පොඩි දෙයක් හරි හොරෙන් ගත්තොත් ඒ අය ඔයාලව අගය කරන්නේ නැහැ නේ ද?