Kaduwela, Sri lanka.

දහම් පාසල් දරුවන් උදෙසා අධ්‍යාපනික උපකරණ පරිත්‍යාගය

නෙල්ලිය ශ්රී මොරොත්තාරාම ශ්රී ධම්මාරාම දහම් පාසැලේ ප්රධානාචාර්යය පුලතිසිගම ධම්මරථන හිමියන් විසින් සිදු කරන ලද ඉල්ලීමකට අනුව, ශ්රද්ධා රූපවාහිනිය මගින් එම දහම් පාසලේ ත්යාගලාභී දරුවන් වෙත රුපියල් ලක්ෂ දෙකකට අධික වටිනාකමකින් යුත් පාසැල් පොත්පත්, සුදු රෙදි, සහ දහම් පොත්පත් ලබා දීම
2022.03.04 දින කඩුවෙල මහමෙව්නාව භාවනා අසපුවේ බෞද්ධ සම්මන්ත්රණ ශාලා පරිශ්රයේදී පින්වත් ස්වාමීන් වහන්සේලාගේ වැඩමවීමෙන් සිදු කරන ලද බව මෙත් සිතින් සිහිපත් කරමු . මේ සඳහා දායකත්වය ඕස්ට්රේලියාවේ පදිංචි පින්වත් අනුර නානායක්කාර මහත්මයා සහ පින්වත් ලසන්ත නාගහවත්ත මහත්මයා විසින් දරනු ලැබීය.

ශ්‍රද්ධා සම්බුද්ධ ප්‍රතිමා පූජා 2022-02-25

ශ්රද්ධා රූපවාහිනියේ සමාජ සත්කාර අංශය මගින් සංවිධානය කරනු ලැබූ සම්බුද්ධ ප්රතිමා පූජා පින්කම පින්වත් ස්වාමීන් වහන්සේලාගේ සහභාගීත්වයෙන් 2022-02-25 වන දින ශ්රද්ධා රූපවාහිනී පරිශ්රයේදී පැවැත්විය.
මෙම පින්කම සඳහා දායකත්වය දැරුවේ 189, මදින්නගොඩ, රාජගිරිය පදිංචි කුමාරී දීපසිකා රත්නායක මහත්මිය විසිනි .. මෙම පිළිම වහන්සේ පරිත්යාග කරනු ලබන්නේ ත්රිකුණාමලය ශ්රී ඉන්ද්රාරාම විහාරස්ථානයේ විහාරාධිපති ස්වාමින්වහන්සේ විසින් සේරුවිල මංගල රාජමහා විහාරාධිපති පූජ්යපාද අලුදෙනියේ සුබෝධි ස්වාමීන් වහන්ස වෙත සිදු කරන ලද ඉල්ලීමකට අනුවයි. මෙම උතුම් පින්කමින් රැස් වූ සියලු පින්, ඒ දායකත්වය දැරූ පින්වත් සියලු දෙනාටද, පින් කැමති සියලු දෙවියෝ ද, බ්රහ්මයෝ ද, නාගයෝ ද ඉෂ්ට දේවතාවුන් වහන්සේලා ද අනුමෝදන් වෙත්වා. අපගේ ගුරුදේවෝත්තම පින්වත් ලොකු ස්වාමීන් වහන්සේ ප්රමුඛ මහමෙව්නාවාසී ලෝකවාසී පින්වත් මහා සඟරුවනටත්, දායකත්වය දැක්වූ සුපින්වත් සියලු දෙනාටත් දැකබලා සතුටුවන සුපින්වත් ඔබ සැමටත් එකසේ අනුමෝදන් වෙත්වා! මේ ගෞතම බුදුසසුනේ දී ම උතුම් ධර්මාවබෝධය කිරීමේ වාසනාව උදාවෙත්වා !
ශ්රද්ධා සම්බුද්ධ ප්රතිමා පූජා පුණ්ය ව්යාපෘතිය සඳහා ප්රතිමා වහන්සේලා තැනවීමට අවශ්ය ශ්රම දායකත්වය සලසා දෙන නාවික හමුදාපති වයිස් අද්මිරාල් නිශාන්ත උලුගේතැන්න මැතිතුමා සහ අධ්යක්ෂ ජෙනරාල් ඉංජිනේරු සහ බෞද්ධ සංගමයේ සභාපති රියර් අද්මිරාල් රවී රණසිංහ මැතිතුමා ඇතුළු නිලධාරී මහත්වරුන්ටත් අප හට ශ්රමයෙන් දායකත්වය සලසන නාවික හමුදාවේ සියලුදෙනාටත් පුණ්යානුමෝදනා කරමු.